Баш миен эшләтәбез: хәтерне һәм игътибарны яхшырту өчен 6 гади күнегү! Эш вакытында тиз арыйсызмы? Игътибарны туплау кыенлашамы? Димәк, бераз ял итеп, баш миенә күнегүләр ясар вакыт җиткән! Россия Гадәттән тыш хәлләр министрлыгының Татарстан буенча Баш идарәсе белгечләре нейрогимнастика белән шөгыльләнергә киңәш итә. Көненә нибары 5 минут вакыт бүлеп, мондый күнегүләр ясау арыганлыкны киметергә, игътибарны тупларга һәм киеренкелекне җиңеләйтергә ярдәм итәргә мөмкин. Әйдәгез, бергәләп 6 гади күнегүне сынап карыйк! 1. «Бармакларны алыштыр» Бер кулыгызның ике бармагын, икенче кулыгызның дүрт бармагын өстәлгә куегыз. Аннары кулларның торышын тиз-тиз алыштырыгыз. 2. «Куян» Бер кулыгыз белән имән һәм урта бармакларны, икенче кулыгыз белән имән һәм чәнчә бармакларны күтәрегез. Хәзер кулларны алыштырыгыз! 3. «Баш бармаклар» Ике кулыгызны да йодрыклагыз. Бер кулыгызның баш бармагын өскә күтәрегез, икенчесен имән һәм урта бармаклар арасына урнаштырыгыз. Аннары киресен эшләгез. 4. «Бармаклар очрашуы» Баш бармагыгызны чиратлап калган бармакларның очларына тидерегез. Күнегүне ике кул белән берьюлы башкарыгыз. 5. «Борын һәм колак» Сул кулыгыз белән борын очына, уң кулыгыз белән сул колакка кагылыгыз. Аннары кулларны алыштырыгыз. Буталмыйча эшләп карагыз әле! 6. «Ике кул белән рәсем ясыйбыз» Кәгазь битен урталай бүлегез. Ике кулыгызга да каләм алып, бер үк вакытта геометрик фигуралар ясагыз. Иң мөһиме — күнегүләрне ашыкмыйча, игътибар белән башкару. Алар эш арасында бераз хәрәкәтләнергә һәм игътибарны башка нәрсәгә юнәлтергә мөмкинлек бирә. Ә сез кайсы күнегүне иң катлаулы дип таптыгыз? Сынап карагыз һәм комментарийларда языгыз! Постны саклап куегыз һәм дусларыгыз белән бүлешегез! Фото - ясалма фәһем. #сәламәтлек
Занятия для женщин: осознанность, дыхание, расслабление тела
- 62
- 31
- 12
- 6
- 3
- 2
- 12
- 7
- 5
- 88
- 56
- 18
- 6
- 43
- 20
- 16
- 8
- 3
- 175
- 59
- 36
- 25
- 2
- 235
- 62
- 36
- 9
- 8
- 3
- 100
- 32
- 15
- 2
- 1
- 64
- 13
- 8
- 2
- 1
- 159
- 60
- 18
- 9
- 6
- 4