Ўзбекистон рекорд даражада — 5 млн тоннадан ортиқ пахта ҳосилини олди 🗺 Сўнгги йилларда пахта майдонлари 38 фоизга қисқартирилди. 2026-йилда пахта 889,5 минг гектар майдонда етиштирилди. Майдонлар қисқарганига қарамай, ҳосилдорликнинг ошиши ҳисобига мустақил Ўзбекистон тарихида илк бор 5 млн тоннадан ортиқ пахта ҳосили йиғиб олинди. Сув тежовчи технологиялар ва замонавий техникаларнинг жорий этилиши бу натижага сезиларли ҳисса қўшди. 📗 Йил бошидан буён Агробанк пахта теримини молиялаштириш учун 10 трлн сўмдан ортиқ маблағ ажратди. Банк кредитларидан пахта етиштириш учун 22 452 та фермер хўжалиги фойдаланди. Банк ёрдамида 4 трлн сўмлик 1 000 дан зиёд пахта териш машинаси ва 2 000 дан зиёд қишлоқ хўжалиги техникаси ва агрегати харид қилинди. 📇 Агробанк томонидан пахта етиштиришда сув тежовчи технологияларни жорий этишга 1,6 трлн сўмдан ортиқ маблағ йўналтирилган бўлса, техникаларни харид қилиш учун 1,4 трлн сўмдан ортиқ кредит ажратилди. Мамлакат бўйича пахта ҳосилининг 85 фоизи пахта териш машиналари ёрдамида 30–35 кунда териб олинди. Ўзбекистонлик фермерлар жорий йилги пахта ҳосилидан 13–14 трлн сўм соф фойда олиши кутилмоқда. ✅Агробанк фермерларнинг молиявий ҳамкори сифатида пахта етиштириш ва ҳосилни йиғиб олиш жараёнларини қўллаб-қувватлаб, соҳа ривожига ҳисса қўшишда давом этади. 🙏 Банк ҳосилни етиштириш ва йиғиб олишда меҳнат қилган барча фермерлар, деҳқонлар ҳамда соҳа ходимларига миннатдорлик билдиради. Меҳнатингиз учун ташаккур! Батафсил Gorizontда...
- 198
- 147
- 96
- 43
- 32
- 20
- 5