⚡️Янги Ўзбекистон тарихида илк бор 5 миллион тоннадан зиёд пахта хирмони бунёд этилди — Президент Президент Шавкат Мирзиёев Ўзбекистон деҳқон ва фермерлари ҳамда барча қишлоқ хўжалиги ходимларига табрик йўллади. Унда жорий йилда пахтачилик соҳасида рекорд натижа қайд этилиб, илк бор 5 миллион тоннадан зиёд пахта ҳосили етиштирилгани таъкидланди. Кейинги йилларда пахта майдонлари 38 фоизга қисқартирилган бўлса-да, ҳосилдорлик 2,7 баробар ошиб, гектарига 21 центнердан 56 центнерга етди. Бу йил етиштирилган ҳосилнинг 85 фоизи машиналар ёрдамида 30–35 кунда териб олинди. “Бу ютуқнинг ижодкори сизлар – азамат деҳқон ва фермерларимиз, моҳир агроном, сувчи, механизатор, олим ва мутахассисларимиз, кластер ходимлари, десак, адолатли фикрни айтган бўламиз. Фурсатдан фойдаланиб, барчангизга ўз номимдан, бутун халқимиз номидан чуқур миннатдорлик билдириб, энг эзгу тилакларимни изҳор этаман. Сизлар билан бутун халқимиз фахрланади, ғурурланади”, — деди давлат раҳбари. Шунингдек, фермерлар жорий йил пахтадан 13–14 триллион сўм соф фойда олиши кутилаётгани қайд этилди. Келгуси йилда эса ўртача ҳосилдорликни 65–70 центнерга етказиш мақсад қилинган. 👉🔴@KORAXABAR - ТВда кўрсатилмайдиган махфий хабарлар каналига аъзо бўлинг!🫴 https://t.me/+BCfKW1krS-k1NmUy
- 376
- 337
- 321
- 69
- 27
- 11
- 8
- 6
- 1