Ўзбекистон делегацияси бугуннинг ўзида 3та олтин медалга эга чиқди Япония мезбонлик қилаётган Осиё ўйинларида иштирок этаётган Ўзбекистон терма жамоаси бугун яна 3та олтин медални қўлга киритди. Каноэда эшкак эшиш бўйича аёллар ўртасидаги яккалик дастурида қатнашган Шоҳсанам Шерзодова 200 метр масофага кечган баҳсларда олтин медални қўлга киритди. Академик эшкак эшиш бўйича амалдаги жаҳон чемпионлари Шаҳзод Нурматов ва Собиржон Сафаралиев Осиё ўйинларида ҳам ғалабани тантана қилишди. Енгил вазнли спортчилар жуфтлигида иштирок этган жуфтлик маррага биринчи бўлиб етиб келди. Пневматик тўппончадан 10 метрдан отиш дастурида қатнашган Владимир Свечников ҳам Осиё ўйинларида олтин медалга эришди. Бу ўқ отиш спорти турларида Осиё ўйинларида 32 йиллик танаффусдан кейин қўлга киритилган олтин медал бўлди. Яна бир аҳамиятли томони, Свечников 244,3 очко билан Осиё ўйинлари рекордини ҳам янгилади. Ҳозиргача, Ўзбекистон делегацияси 4та олтин, 10та кумуш ва 7та бронза, жами 21та медал билан умумий жадвалда 7-ўринда бормоқда. Медаллар сони бўйича кўрсаткичда жамоа 5-ўринда. @burgutuzb
- 20
- 10