⬜️ Жаҳонга машҳур “Forbes” нашрининг хабар беришича, Ўзбекистон жаҳоннинг етакчи давлатлари ва йирик инвесторлари эътиборидаги марказий ҳамкор сифатида ўз геосиёсий ва иқтисодий мавқеини изчил мустаҳкамлаб бормоқда. Мамлакатнинг жозибадор инвестиция муҳити Вашингтон, Пекин ва ЕИ каби йирик иқтисодий кучларнинг ўзаро манфаатли ҳамкорликка бўлган қизиқишини янада оширмоқда. АҚШ Давлат котиби М.Рубио иштирокида Самарқандда ўтказилган C5+1 вазирлар анжуманида транспорт, энергетика, муҳим минераллар, молия, қишлоқ хўжалиги ва соғлиқни сақлаш соҳаларида муҳим ҳамкорлик келишувлари имзоланди. Шу билан бирга, Хитой билан ўзаро савдо ва иқтисодий алоқалар жадал кенгайиб бормоқда. Шунингдек, турли геосиёсий омиллар ва ташқи босимларга қарамай, Президент Ш.Мирзиёев томонидан олиб борилаётган мувозанатли ва очиқ “кўп векторли” ташқи сиёсат Ўзбекистонга хорижий капитални фаол жалб қилиш ҳамда мамлакатнинг иқтисодий мустақиллиги ва мустаҳкам ривожланишини таъминлаш имконини бермоқда. Манба: Forbes __Eng muhim va sara xabarlar markazida bo'ling! 📌 🔵 @uzaxborot