🇬🇧 Буюк Британиянинг “Financial Times” нашрида Тошкентнинг модернистик меъморий обидалари ва уларнинг тарихий-маданий аҳамиятига бағишланган мақола эълон қилинди. Унда Ўзбекистон пойтахтининг XX асрда шаклланган меъморий қиёфаси, замонавий архитектуранинг миллий анъаналар билан уйғунлашуви ҳамда ушбу мероснинг халқаро миқёсда эътироф этилиши ёритилган. Нашр Тошкентнинг модернистик иншоатлари мамлакатнинг маданий тарихини намоён этувчи муҳим бойлик эканини таъкидлайди. Мақолада 1966 йилги зилзиладан кейин шаҳарни қайта қуриш жараёни Тошкентнинг замонавий қиёфаси шаклланишида муҳим ўрин тутгани қайд этилади. Ўша даврда барпо этилган Чорсу бозори, Космонавтлар метро бекати ва бошқа меъморий иншоотлар модернизм ғояларининг маҳаллий меъморий анъаналар билан уйғунлашувини ўзида акс эттиради. 2026 йилда Тошкент модернистик меъморий меросининг ЮНЕСКО Жаҳон мероси рўйхатига киритилиши ушбу объектларнинг халқаро аҳамиятини янада оширгани нашр томонидан алоҳида эътироф этилган. Манба: Financial Times __Eng muhim va sara xabarlar markazida bo'ling! 📌 🔵 @uzaxborot