IMAN Holding 20 млн доллар камомад ҳақидаги маълумотларни рад этди ва аниқланган қоидабузарликларга изоҳ берди 2026 йил апрель ойида тахминан 128 минг долларга Mercedes-Benz S500 автомобили сотиб олинган. Автомобилни компания асосчиси Рустам Раҳматовга ижарага бериш, ижара тўловларини эса фонд фойдасига йўналтириш режалаштирилган. IMAN таъкидлашича, ижара ҳақи бозор нархларига мувофиқ белгиланган. Бироқ ички текширувдан сўнг ушбу битим ислом молиялаштириш тамойилларига мувофиқ эмас деб топилган. 12 август куни автомобиль сотилган, унинг қиймати ва олинган ижара тўловлари эса, компания таъкидлашича, тўлиқ қайтарилган. Иккинчи автомобиль — BYD Champion 2023 йилда бўлиб тўлаш шарти билан харид қилинган. 2025 йил май ойидан кейин техник сабабларга кўра тўловлар тўхтаб қолган. Компания маълумотига кўра, 31 июль куни Рустам Раҳматов 366,9 млн сўмдан ортиқ қолган қарздорликни муддатидан олдин тўлиқ қоплаган. Компанияда қандай ўзгаришлар бўлади? IMAN Holding айрим қоидабузарликлар мавжуд бўлганини тан олди. Компания таъкидлашича, аниқланган камчиликларнинг аксарияти бартараф этилган, қолган масалалар бўйича эса ишлар давом этмоқда. Юзага келган саволлар фонида компания раҳбарияти ташкилий ўзгаришларни амалга оширишга қарор қилди. Хусусан, компаниянинг кундалик бошқарувини янги мутахассисларга топшириш режалаштирилмоқда. Компания асосчиси Рустам Раҳматов эса кузатув кенгашига ўтади. Бундан ташқари, IMAN Holding уч нафар олимдан иборат шариат кенгашини ташкил этиш ва компания фаолиятини текшириш учун мустақил молиявий аудиторларни жалб қилишни режалаштирмоқда. 👉🔴@KORAXABAR - ТВда кўрсатилмайдиган махфий хабарлар каналига аъзо бўлинг!🫴 https://t.me/+BCfKW1krS-k1NmUy
- 25
- 21
- 4
- 1