Сурхондарё вилояти ҳокимини алдашга уринган амалдор 3 йилга қамалди 2026 йил 2 июнь, соат 18:30 атрофида Сурхондарё вилояти ҳокими Улуғбек Қосимовга қўнғироқ бўлди. Қўнғироқ қилган киши ўзини «Администрациядан Комилман» деб таништирди. Кейин маълум бўлишича, у Экология ва иқлим ўзгариши миллий қўмитасида департамент бошлиғи бўлиб ишлайдиган 38 ёшли И.Ж. экан. 📌 Нима бўлган? И.Ж.нинг собиқ қўшниси бўлган афғонистонлик тадбиркор Термиздаги «Дипломат» ресторани ўрнига кўп қаватли уй қурмоқчи бўлган. Ресторан вилоят ҳокимлиги яқинидаги 50 сотих ерда жойлашган. Ҳокимдан рухсат ололмагач, тадбиркор И.Ж.дан ёрдам сўраган. И.Ж. Президент ёрдамчиси Б.Мавлоновнинг «Комил» исмли котиби борлигини олдиндан билган. Шу исмдан фойдаланиб, ҳокимдан «амалий ёрдам» сўраган. 📌 Ҳоким нима деди? Улуғбек Қосимов бу масаладан хабари борлигини айтган. Ресторан ёнида ҳуқуқни муҳофаза қилувчи органларнинг маъмурий бинолари борлиги учун рухсат бермаганини тушунтирган. Тадбиркорга шаҳарнинг бошқа ҳудудидан ер ажратишда ёрдам беришини ҳам айтган. 📌 Суд қарори И.Ж. судда айбини тан олмаган. Лекин ҳокимга ўзини «Администрациядан Комил» деб таништирганини тасдиқлаган. Ҳокимнинг телефон рақамини хизмат сафари пайтида олганини ва у билан таниш эмаслигини айтган. Тошкент шаҳар Чилонзор туман суди И.Ж.ни Жиноят кодексининг 165-моддаси 1-қисми (товламачилик) ва 219-моддаси 2-қисми бўйича айбли деб топди. Унга 3 йил 1 ой озодликдан маҳрум қилиш жазоси тайинланди. Жазони манзил-колонияда ўтайди. 👉🔴@KORAXABAR - ТВда кўрсатилмайдиган махфий хабарлар каналига аъзо бўлинг!🫴 https://t.me/+BCfKW1krS-k1NmUy
- 31
- 31
- 2