Сурхондарё ҳокимини алдаб, тадбиркорга ёрдам сўраган амалдор 3 йилга қамалди Экология ва иқлим ўзгариши миллий қўмитасида департамент бошлиғи бўлиб ишлаган 38 ёшли амалдор ўзини Президент администрацияси ходими «Комил» деб таништириб, Сурхондарё вилояти ҳокими Улуғбек Қосимовга қўнғироқ қилган. У афғонистонлик тадбиркорга Термиздаги «Дипломат» ресторани ўрнида кўп қаватли уй қуриш учун рухсат олишда ёрдам сўраган. Ҳоким эса ушбу таклифни рад этган. Бунга ресторан ёнида ҳуқуқни муҳофаза қилувчи органларнинг маъмурий бинолари жойлашгани сабаб қилиб кўрсатилган. Қосимов тадбиркорга шаҳарнинг бошқа ҳудудидан ер ажратишда ёрдам беришга тайёрлигини билдирган. Суд ҳукми билан амалдор товламачилик ва ҳокимият вакилини қонунга хилоф ҳаракатларга мажбурлашда айбдор деб топилиб, 3 йил 1 ойга озодликдан маҳрум этилган. @burgutuzb
- 45
- 17
- 13