🇺🇿🇷🇺 Россияга ишга кетувчилар учун Ўзбекистонда махсус марказ ташкил этиш таклиф этилди Россияга ишлашга кетувчилар учун Ўзбекистонда "бир жойда барча жараёнлар" тамойили асосида комплекс марказ ташкил этиш таклиф этилди. Бу ҳақда Миграция агентлиги хабар берди. Қайд этилишича, агентлик директори Муҳсинхўжа Абдураҳмонов Россиянинг Ўзбекистондаги элчиси Алексей Ерхов билан учрашди. Музокараларда Россияда ишлаш истагида бўлган номзодларни ташкиллаштирилган тартибда ишга йўналтириш механизмларини такомиллаштириш ҳамда боришдан олдинги асосий жараёнларни Ўзбекистоннинг ўзида ташкил этиш масалалари муҳокама қилинди. Хусусан, "бир жойда барча жараёнлар" тамойили асосида ташкил этиладиган комплекс марказда сафардан олдинги тестлари, тиббий кўрик, биометрик ва дактилоскопиядан ўтиш, ҳужжатларни текшириш кўзда тутилмоқда. "Асосий мақсад — Россияда ишлашни режалаштирганлар қаерда, қайси корхонада ва қандай шароитда ишлашини аниқ билиши, зарур ҳужжат ва жараёнларни олдиндан расмийлаштириши ҳамда аниқ иш берувчининг буюртмаси асосида қонуний ва тушунарли йўл билан ишга боришини таъминлаш", дейилади агентлик хабарида. @migrant_mobile
- 7
- 6
- 3
- 2
- 1