МӨСЛИМНЕҢ 13 ИҖАТ КОЛЛЕКТИВЫ – «БЕЗ БЕРГӘ» ФЕСТИВАЛЕ ҖИҢҮЧЕЛӘРЕ АРАСЫНДА! Казанда «Без бергә» республика фестиваленең гала-концерты узды. Әлеге чара Татарстаныбызның талантларга никадәр бай булуын тагын бер кат раслады! Республиканың төрле районнарыннан килгән катнашучыларны берләштергән бәйрәм иҗат, дуслык һәм бердәмлек рухында үтте. Иң сөенечлесе – Мөслим районы гомуми белем бирү учреждениеләренең 13 иҗат коллективы фестивальнең лауреатлары һәм дипломантлары булды! Бу – укучыларыбызның тырышлыгы, осталыгы, иҗатка мәхәббәте һәм аларны зур сәхнәгә әзерләгән педагогларның фидакарь хезмәте нәтиҗәсе! Талантлы укучыларыбызны һәм аларның остазларын чын күңелдән котлыйбыз! Яңа иҗади үрләр, якты сәхнәләр, дәртле чыгышлар һәм яңадан-яңа җиңүләр телибез! Мөслим талантлары белән горурланабыз! Бергә булганда – без көчле! Фото – район мәгариф идарәсеннән. #Мөслим_мәгарифе #БезБергә #БезнеңГорурлык #МөслимТалантлары