Состояние Илона Маска снова превысило один триллион долларов

23.5° бурчак остида @burchakostida Политика и власть5 октября 2026, 19:30

Илон Маскнинг бойлиги яна 1 триллион доллардан ошди Бу ҳақда Forbes Real Time Billionaires рейтинги маълумотларида келтирилган. Маскнинг бойлиги ошишига SpaceХ ва Теsla акциялари нархи кескин кўтарилгани сабаб бўлди. 5 октябр, душанба куни Маскнинг бойлиги 2 октябр, жума кунги савдолар ёпилган пайтдагига нисбатан 30,6 миллиард долларга ошди. 55 ёшли тадбиркор шу тариқа яна триллионерлар қаторига қайтди. Форбес рейтингида иккинчи ўринда турган Аmazon асосчиси Жефф Безоснинг бойлиги эса 371,5 миллиард долларни ташкил этмоқда. Маскни бойлигининг ошишига Теsla'нинг ижобий натижалари туртки берди. Компаниянинг учинчи чоракдаги автомобил етказиб бериш кўрсаткичлари таҳлилчилар кутганидан юқори чиқди. Натижада жума кунининг ўзида Маскнинг бойлиги 61 миллиард долларга кўпайди. Душанба тонгида Теsla акциялари яна ўсишда давом этди. SpaceX акцияларига ҳам талаб ошган. Бунга АҚШнинг йирик инвестиция банкларидан бири — Morgan Stanley'нинг ижобий прогнози сабаб бўлган. Банк таҳлилчилари компания акциялари ҳақиқий қийматидан паст баҳоланаётганини билдирган. Starship космик кемасининг орбитага муваффақиятли чиқиши ҳам инвесторлар ишончини оширган. Бундан ташқари, Маскнинг SpaceXAI номини SpaceXSI деб ўзгартириш ҳақидаги баёноти инвесторлар эътиборини тортди. Бу қарор АҚШ президенти Доналд Трамп расмий ҳужжатларда “сунъий интеллект” атамасини “суперинтеллект” билан алмаштириш тўғрисида фармон имзолаганидан кейин қабул қилинган. Маск илк бор 12 июнь куни тарихдаги биринчи триллионерга айланган эди. Бу SpaceX акцияларини биржада оммага сотувга чиқарганидан кейин юз берган. IPO, яъни компания акцияларининг биринчи марта очиқ бозорда сотилиши вақтида SpaceX'нинг қиймати 1,77 триллион долларга баҳоланган. Маск триллионер мақомини қарийб икки ҳафта сақлаб қолган. 🔥 @burchakostida