‼️РАСМИЙ МУНОСАБАТ Ижтимоий тармоқларда Ўзбекистонда балиқ овлаш тақиқланиши, шунингдек, балиқ овлаш жойларини олдиндан банд қилиш ва бунинг учун тўловни амалга ошириш мажбурий этилиши ҳақида турли хабарлар тарқалмоқда. Мазкур хабарлар ҳақиқатга тўғри келмайди. Экология ва иқлим ўзгариши миллий қўмитаси томонидан “Балиқчи картаси” (Фишерман ИД) рақамли тизимини жорий этиш бўйича техник топшириқ талабларига мувофиқ тижорат таклифларини қабул қилиш юзасидан эълон берилган. Мазкур эълонда келгусида тизим доирасида балиқчи билети ва тўлов тизими, балиқ овлаш зоналари реестри, бронлаш ва ҚР-пропуск тизими, мобил илова ҳамда бошқа рақамли хизматларни жорий этиш имкониятлари назарда тутилгани қайд этилган. Шу ўринда алоҳида таъкидлаймиз: ушбу эълон Ўзбекистонда балиқ овлаш тақиқланганини ёки барча балиқчилар балиқ овлаш жойларини мажбурий равишда олдиндан банд қилиши ва бунинг учун тўлов амалга ошириши белгиланганини англатмайди. Айни пайтда “Балиқчи картаси” (Фишерман ИД) тизими жорий этилгани ҳақида Экология ва иқлим ўзгариши миллий қўмитаси ҳамда Экоҳудуд ва овчиликни ривожлантириш департаментининг расмий ахборот манбаларида маълумот эълон қилинмаган. Фуқаролармиз ва оммавий ахборот воситалари вакилларидан мазкур масалага оид маълумотларни фақат расмий ахборот манбаларидан олишларини сўраймиз. Қўмита томонидан мазкур йўналишда қабул қилинадиган қарорлар ва тизимни жорий этиш билан боғлиқ янгиликлар ҳақида қўшимча расмий маълумотлар белгиланган тартибда эълон қилинади. @Militsiya_Uzb👈🏽
- 42
- 16
- 11
- 3
- 2
- 1
- 1
- 1