РФ Давлат Думаси миграция соҳасига оид олтита қонун лойиҳасини рад этди. Бу чет эл фуқаролари ва иш берувчилар учун нимани англатади? 22-октябрь куни Давлат Думаси Россияда чет эл фуқароларининг ишлаши ва бўлиш тартибини тубдан ўзгартириши мумкин бўлган бир қатор ташаббусларни қўллаб-қувватламади. Келинг, қонун кучига эга бўлмаган ушбу таклифларни қисқача кўриб чиқамиз: ❌ Патент тизимини бекор қилиш. Патентга асосланган тизимдан воз кечиб, расмий ишлаш рухсатномаларига таянган ҳолда, ишчи кучини уюштирилган тарзда (оргнабор) жалб қилиш моделига ўтиш таклиф қилинган эди. Ҳозирча амалдаги тизим (меҳнат патентлар) ўз кучида қолмоқда. ❌ Визасиз бўлиш муддатини қисқартириш. Қонун лойиҳаси муаллифлари ушбу муддатни бир календар йил ичида ҳозирги 90 кундан 30 кунгача камайтиришни таклиф қилган эдилар. Ушбу ташаббус қабул қилинмади. ❌ Иш берувчилар устидан қатъийроқ назорат. Ноқонуний меҳнат амалиётларини (шу жумладан, хорижий фуқароларни ишга олиш билан боғлиқ қоидабузарликларни) қўллаган иш берувчилар рўйхатини кенгайтириш ҳамда бундай компанияларнинг давлат харидларида иштирок этишини тақиқлаш таклифи илгари сурилган эди. Ушбу чора қабул қилинмади. ❌ Хорижий фуқароларни ишга олишга доир қўшимча чекловлар. Таклиф лойиҳасида (айрим истисноларни ҳисобга олмаганда) хорижий фуқароларни раҳбарлик лавозимларига ҳамда стратегик аҳамиятга эга корхоналарга ишга олишни чеклаш кўзда тутилган эди. Якунда ушбу чекловлар жорий этилмади. ❌ Мажбурий тиббий суғурта полиси. Россия Федерациясида вақтинча ёки доимий яшовчи хорижий фуқаролар учун ихтиёрий (ДМС) ёки мажбурий (ОМС) тиббий суғурта полисига эга бўлишни мажбурий қилиш, шунингдек, ушбу полиснинг мавжуд эмаслигини мамлакатдан чиқариб юбориш (депортация қилиш) учун асос сифатида белгилаш таклиф қилинган эди. Ушбу талаб қонун даражасида қабул қилинмади. ❌ Миграция рўйхатига қўйиш бўйича минтақавий чекловлар. Россия Федерацияси субъектларига хорижий фуқароларни миграция тўйхатига қўйишни мустақил равишда чеклаш ваколатини бериш таклиф этилган эди. Бироқ, бу ваколат минтақаларга берилмади. Обуна бўлинг @migrant_mobile
- 15
- 4