🇦🇪🇮🇱 Flydubai самолётида нима бўлди? 30 сентябрь куни Дубайдан Тель-Авивга учган Flydubai FZ1073 рейсида кабинада икки учувчи ўртасида жанжал чиққан. Расмий маълумотларга кўра, самолёт экипажи назоратни қайта тиклаб, самолётни Саудия Арабистонининг Табук аэропортига фавқулодда қўндирган. Барча йўловчилар тирик қолган. Дастлабки маълумотларга кўра, иккинчи пилот капитанга пичоқ билан ҳужум қилган. Жанжал пайтида самолёт қисқа вақт ичида тахминан 14 минг фут (4,3 км) баландликни йўқотган. Кейин самолётдан умумий фавқулодда ҳолат сигнали — 7700, сўнг эса ноқонуний аралашув/самолётни эгаллаш хавфи сигнали — 7500 берилган. Капитан жароҳатланганига қарамай, кабина эшигини очишга муваффақ бўлган. Йўловчилар ва экипаж аъзолари ҳужум қилган пилотни босиб, самолёт назоратини сақлаб қолишга ёрдам берган. Самолётда хизматдан ташқари яна учувчилар ҳам бўлгани ва улар бошқарувга ёрдам бергани хабар қилинган. Самолётда 174 киши бўлган. Капитан — ҳиндистонлик Смит Маччхар — оғир жароҳат олган, аммо Саудияда шифохонага ётқизилган ва аҳволи барқарор деб хабар қилинган. Ҳужумда гумон қилинаётган иккинчи пилот Саудияда ҳибсга олинган. Ҳодисанинг сабаби ва мотиви ҳозирча аниқ эмас. Исроил расмийлари буни террорчилик ҳужумига уриниш деб баҳолаган, аммо БАА прокуратураси воқеанинг терроризм билан боғлиқлиги ёки олдиндан режалаштирилганини аниқлаш учун тергов олиб бормоқда. Шунинг учун ҳозирча «террористик акт» деган таърифни якуний факт сифатида беришга эрта. Батафсил Gorizontда...
- 188
- 33
- 27
- 18
- 3