🇺🇳🇺🇦🇷🇺 Путин дунёга уруш ғоясини тарқатаётган нолинчи бемор, уни тўхтатиш керак — Володимир Зеленский "Сиз Путинни урушларсиз тасаввур қила оласизми? Унинг уруш ғояси янги ҳудудларга тарқалмоқда. У Иккинчи жаҳон урушидан кейинги даврда Европадаги энг йирик урушни бошлади. Путиннинг қўллари қанчалик ечилган бўлса, у барча учун шунчалик хавфлидир. Нолинчи бемор тўхтатилиши шарт", — деди Украина президенти БМТ Бош Ассамблеясидаги нутқида. Зеленскийнинг нутқидан иқтибослар: ◾️ Йил бошидан бери Россия Украинадаги урушда ҳалок бўлганлар ва ярадорлар ҳисобида 248 минг кишисини йўқотди. Бу вақт ичида у минг квадрат километрни босиб олишга муваффақ бўлди, бироқ кўп ўтмай Украина бу ҳудудларнинг катта қисмини озод қилди; ◾️ Ўз ҳудудига яна минг квадрат километр қўшиш учун Путин ҳар бир квадиат километрга 248 кишининг жони билан ҳақ тўламоқда. Путин беш йил ичида 17-18 марта бир хил ваъдани берди: яна бир неча ой ва уруш тугайди, аммо муддатлар доимий равишда ортга сурилмоқда; ◾️ Путин Одеса, Харков, Днепр ва бошқа шаҳарларимизни босиб олмоқчи, уни тўхтатиш керак. Нимадир унга "тинчлик" дейишга халақит бермоқда. Ўзининг 17 миллион квадрат километр ҳудуди унга етарли бўлиши керак, лекин у бошқаларникини эгаллаб олишни хоҳлайди; ◾️ Россия нефти — Украина учун нишон эмас. Бензин, дизел, заводлар — Украинанинг мақсади эмас. Путинни тўхтатиш учун Россия молияси ва ишлаб чиқаришини тўхтатишимиз шарт. Биз Россиянинг даромадларини ёқиб юборишга ҳаракат қиляпмиз, бизнинг нишонимиз шу; ◾️ Бу қиш биз учун жуда оғир бўлиши мумкин, аммо жавоб тариқасида уни Россия учун ҳам оғриқли қилишдан бошқа чорамиз қолмайди; ◾️ Ҳеч бир рус амалдори вақти келиб Россия "генерал Аёздан" ҳимояланишига тўғри келади деб ўйламаган эди. Агар Россия бизнинг энергетика объектларимизга зарба беришда давом этса, биз ҳам худди шундай қиламиз. Шунинг учун қишгача вазиятни юмшатиш (деескалация) зарур; ◾️ Россия бу урушни бошлаганида, қачондир Украинанинг узоқ масофага учувчи дронлари Сибирнинг бир четида жойлашган ҳарбий заводларига етиб боришини тасаввур ҳам қила олмасди. ◾️ Биз қуролларнинг жадал ривожланишини секинлаштиришимиз керак, чунки келаси йилданоқ жанг майдонида нима бўлишини нафақат одамлар, балки сунъий интеллект ҳал қила бошлашининг эҳтимоли бор. Ва бу нуқтага етиб бормасимиздан олдин бизга тинчлик керак; ◾️ Афсуски, биз бугун АҚШда бўлган, бироқ бу ерда бўлмаган Хитой раҳбари билан тўғридан-тўғри гаплашиш имконига эга бўлмадик. Си Жинпин Россияга бошқа кўплаб инсонларга қараганда кўпроқ таъсир кўрсата оладиган шахсдир. 👉🔴@KORAXABAR - ТВда кўрсатилмайдиган махфий хабарлар каналига аъзо бўлинг!🫴 https://t.me/+BCfKW1krS-k1NmUy
- 64
- 52
- 21
- 4
- 4
- 4
- 2