🇺🇦🇺🇸🇷🇺 АҚШ Украина можаросидаги кескинликни камайтириш учун учта қадамни таклиф қилмоқда — Володимир Зеленский Украина президентининг сўзларига кўра, Трамп маъмурияти учта зудлик билан амалга оширилиши керак бўлган қадамни таклиф қилмоқда: — Энергетика инфратузилмаси объектларига ҳужумларни тўхтатиш; — Қора денгиздаги дон йўлаги фаолиятини қайта тиклаш; — АҚШ, Россия ва Украина етакчидари иштирокида уч томонлама учрашув ўтказиш. "Учрашув учун эҳтимолий жой сифатида Абу-Даби тилга олинмоқда. Биз исталган давлатда, исталган форматда учрашув ўтказишга тайёрмиз", — деди Украина етакчиси. Шунингдек, Зеленский Трамп билан Нью-Йоркдаги учрашувида декабр ойида Маймида бўлиб ўтиши режалаштирилган G20 саммитини уч томонлама олий даражадаги учрашув учун яна бир эҳтимолий майдон сифатида таклиф қилганини айтди. "Ҳозир муҳокама қилинаётган таклиф энергетика соҳасида сулҳ. Биз бунга тайёрмиз", — деди Зеленский. Шу билан бирга, Зеленский Путиннинг ниятларига ҳануз шубҳа билан қарашини айтди. Унинг фикрича, Россия президенти уч томонлама учрашувдан қочиш учун турли баҳоналарни келтириши мумкин. Аxios нашри манбасининг хабар беришича, Россия президентининг махсус вакили Кирилл Дмитриев пайшанба куни Нью-Йоркда Доналд Трампнинг вакиллари Стив Уиткофф ва Жаред Кушнер билан Қўшма Штатларнинг сўнгги таклифларини муҳокама қилади. АҚШ давлат котиби Марко Рубио Россия ташқи ишлар вазири Сергей Лавров билан учрашувдан сўнг Трамп Путинни Маямидаги G20 саммитида иштирок этишга таклиф қилганини айтганди. Россия президенти матбуот котиби Дмитрий Песков эса Кремл таклиф учун миннатдор эканини ва у кўриб чиқилишини маълум қилди. 👉🔴@KORAXABAR
- 43
- 8
- 3
- 2
- 1
- 1