Жанжал депортация билан якунланди Санкт-Петербургнинг Дибенко кўчасидаги савдо-кўнгилочар мажмуаси олдида қарз сабабли юзага келган зиддият 21-сентябрь кечаси пичоқбозлик билан тугади. Марказий осиёлик муҳожирларнинг жанжали муштлашувга, кейин эса пичоқбозликка айланди. Натижада улардан бири билагидан жароҳат олди. Полиция Товарищеский проспектида 22 ёшдан 33 ёшгача бўлган Марказий Осиёдан келган 7 нафар муҳожирни қўлга олди. Амалиёт вақтида улардан бирининг ёнидан пичоқ топилди. Жабрланувчи касалхонага жўнатилди, унинг аҳволи қониқарли деб баҳоланмоқда. Мушлашувнинг қолган иштирокчилари полиция бўлимига олиб кетилди. Текширув натижаларига кўра, қўлга олинганлардан икки нафари Россия Федерациясининг миграция қонунчилигини бузгани ва мамлакатда ноқонуний юргани аниқланди. Натижада бутун гуруҳга нисбатан Россия ҳудудидан чиқариб юбориш ҳақида қарор қабул қилинди, улардан 5 нафари аллақачон ватанига депортация қилинди. Обуна бўлинг @migrant_mobile
- 12
- 5
- 5
- 2