🇺🇸Нантакет ороли яқинида самолётдаги олти киши қидирилмоқда АҚШ соҳил қўриқлаш хизмати Нантакет ороли яқинида тиббий эвакуация самолётининг парчалари топилганидан сўнг унинг бортида бўлган олти кишини қидириш ишларини давом эттирмоқда. Парчалар соҳилдан қарийб 32 километр узоқликда, 24,4–27,4 метр чуқурликда аниқланган ва улар самолётга тегишли экани тасдиқланган. Қарийб 53,5 соат давом этган қидирувда 7355 квадрат километр ҳудуд текширилган. Унда соҳил қўриқлаш хизмати, Массачусетс штати расмийлари ҳамда Нью-Йорк Миллий гвардиясининг авиация-қутқарув бўлинмаси иштирок этган. FAA маълумотига кўра, Gulfstream G100 самолёти Latitude Air Ambulance компаниясига тегишли бўлган. Самолёт Бермуд оролларидан Бостонга йўл олган ва унинг бортида тўрт нафар Канада ҳамда икки нафар Бермуд фуқароси бўлган. Агентлик маҳаллий вақт билан шанба куни соат 02:00 да самолёт билан алоқа узилгани ҳақида АҚШ соҳил қўриқлаш хизматига хабар берган. 👉🔴@KORAXABAR - ТВда кўрсатилмайдиган махфий хабарлар каналига аъзо бўлинг!🫴 https://t.me/+BCfKW1krS-k1NmUy
- 11
- 1